Styrkir

Í stuðningi sínum við samfélagið leggur N1 áherslu á að styrkja og styðja við barna- og unglingastarf íþróttafélaga víða um land. Grasrótarstuðningur skiptir okkur miklu máli og það gefur okkur mikinn innblástur að fjármunum okkar sé varið í að byggja upp stjörnur framtíðarinnar.

Styrktarverkefnin okkar ár hvert eru mörg en þar má helst nefna N1 mótið á Akureyri. N1 er einn af bakhjörlum KSÍ erum við líka styrktaraðili Hæfileikamótunar KSÍ og N1.

Stuðningur okkar við BUGL (Barna- og unglingageðdeild Landspítalans) er okkur mikilvægur. Stuðningurinn felur í sér rekstur tveggja bíla sem notaðir eru til að fara með skjólstæðinga BUGL í ýmsar ferðir en einnig til að vettvangsteymi geti sótt fjölskyldur heim og unnið með börnum í þeirra nærumhverfi.

Styrkir

Í stuðningi sínum við samfélagið leggur N1 áherslu á að styrkja og styðja við barna- og unglingastarf íþróttafélaga víða um land. N1 styður við tæplega 30 íþróttafélög auk fjölmargra golfklúbba. Grasrótarstuðningur skiptir okkur miklu máli og það gefur okkur mikinn innblástur að fjármunum okkar sé varið í að byggja upp stjörnur framtíðarinnar.

Styrktarverkefnin okkar ár hvert eru mörg en þar má helst nefna N1 mótið á Akureyri. Mótið var haldið í þrítugasta og fyrsta sinn í fyrra og er það eitt stærsta árlega knattspyrnumót landsins með hátt á annað þúsund þátttakendum á aldrinum 10 til 12 ára auk þjálfara, liðsstjóra og foreldra. Mótið setur því mikinn svip á höfuðstað Norðurlands í fjóra daga í byrjun júlí ár hvert. Auk keppenda af öllu landinu komu nokkur erlend lið á mótið. Mótinu voru gerð góð skil í samstarfi við Sporttv.is auk þess sem það var myndað úr lofti.

Sem einn af bakhjörlum KSÍ erum við líka styrktaraðili Hæfileikamótunar KSÍ og N1. Í fyrra voru um 600 ungmenni víðsvegar af landinu sem tóku þátt í Hæfileikamótun KSÍ og N1. Þetta var í fjórða skipti sem Hæfileikamótunin var haldin. Fótboltalið um allt land fengu heimsóknir frá þjálfurum KSÍ sem stóðu fyrir fræðslu og mátu jafnframt getu leikmanna á aldrinum 13 til 14 ára í þeirri von að finna framtíðarleikmenn landsliðsins. Í kjölfarið bauðst drengjum og stúlkum að taka þátt í Hæfileikamótun í Kórnum og landsliðsþjálfurum gafst tækifæri til að fylgjast með þeim spila.

Undanfarin ár hefur N1 veitt barna- og unglingastarfi Golfklúbbs Garðabæjar (GKG) styrk. Stuðningurinn hefur haft það í för með sér að hægt hefur verið að auka enn frekar þjónustu við börn og unglinga.

N1 tekur ríkulegan þátt í bæjarhátíðum og viðburðum víðsvegar um landið þar sem við erum með starfsemi. Má þar nefna Írska daga, Aldrei fór ég suður, Húnavökuhátíðina, Sumar á Selfossi, Mærudaga o.fl.

Líkt og áður tókum við þátt í að styrkja WOW Cyclothon með því að lengja opnunartíma þeirra N1 stöðva sem eru á hjólaleiðinni og taka vel á móti keppendum.

Í desember lögðum við Rauða kross bílnum Frú Ragnheiði lið og gáfum 100 hlýjar flíkur. Markmiðið með Frú Ragnheiði er að ná til jaðarsettra hópa í þjóðfélaginu og liðsinna þeim. Frú Ragnheiði er ekið um götur höfuðborgarsvæðisins og bágstöddum veitt aðstoð í formi fatnaðar og almennrar heilbrigðisaðstoðar.

Í lok árs veittum við fjölda styrkja í formi gjafa í ýmiskonar fjáraflanir s.s. til Hringsjár endurhæfingarskóla, Hjartaheilla, til gjörgæsludeildar Sjúkrahúss Akureyrar, dagdeildar Eirar auk skóla, leikskóla, björgunarsveita o.fl. aðila.

Til baka Stefnumótun