Framkvæmdastjórn

Eggert Þór Kristófersson

Eggert er fæddur árið 1970. Á árunum 1995-1997 starfaði hann hjá VÍB hf. sem ráðgjafi í einstaklingsþjónustu. Eggert var forstöðumaður sölu og þjónustu hjá Lánasýslu ríkisins 1997-1999 og starfaði hjá Íslandsbanka-FBA og Íslandsbanka hf. 2000-2004 þar sem hann bar ábyrgð á skuldabréfastöðu bankans í eigin viðskiptum.

Á árunum 2005-2007 var Eggert framkvæmdastjóri rekstrarfélags verðbréfasjóða Íslandsbanka og síðar Glitnis banka hf. Árið 2008 starfaði Eggert sem framkvæmdastjóri eignastýringar Glitnis banka á Íslandi og í Finnlandi en ári síðar gekk hann til liðs við fjárfestingafélagið Sjávarsýn ehf. þar sem hann gegndi starfi framkvæmdastjóra. Eggert tók við starfi framkvæmdastjóra fjármálasviðs N1 í júní árið 2011 og tók við starfi forstjóra N1 í febrúar 2015. Eggert er stjórnarformaður Malik Supply A/S og Nordic Marine Oil. Hann er með Cand. oecon. gráðu frá endurskoðunarsviði viðskiptafræðideildar Háskóla Íslands og er jafnframt löggiltur verðbréfamiðlari.

Guðný Rósa Þorvarðardóttir

Guðný Rósa er fædd árið 1963. Hún starfaði sem markaðs- og innkaupastjóri hjá Skeljungi frá árinu 1995 þar til í apríl 2005 þegar hún varð markaðsstjóri Parlogis hf.

Í september 2005 tók Guðný Rósa síðan við sem framkvæmdastjóri Parlogis þar sem hún starfaði í 10 ár eða þar til hún varð framkvæmdastjóri einstaklingssviðs N1 í apríl 2015. Guðný Rósa hefur setið í stjórn Félags atvinnurekenda, Lífeyrissjóðs verzlunarmanna og GS1 á Íslandi. Hún er með Cand. Oecon. gráðu í viðskiptafræði frá Háskóla Íslands.

Hinrik Örn Bjarnarson

Framkvæmdastjóri fyrirtækjasviðs

Hinrik er fæddur árið 1972. Hann starfaði sem sölustjóri hjá SÍF hf. og dótturfélögum 1998-2003, m.a. í tvö ár í Englandi. Í upphafi árs 2003 tók Hinrik við starfi forstöðumanns útflutningssviðs Samskipa og gegndi því til 2007. Árin 2007-2008 starfaði hann hjá Landsbankanum sem yfirmaður erlends sjávarútvegsteymis bankans sem sá m.a. um fjármögnun á alþjóðlegum sjávarútvegsfyrirtækjum. Frá 2009 og þar til í janúar 2013 starfaði Hinrik í Hamborg sem framkvæmdastjóri Eimskips í Þýskalandi. Hinrik hóf störf sem framkvæmdastjóri fyrirtækjasviðs hjá N1 um miðjan janúar árið 2013. Hinrik er í stjórn G2 Brenna Holdings Ltd. Hann er með Cand.oecon. gráðu í viðskiptafræði frá Háskóla Íslands. 

Kolbeinn Finnsson

Framkvæmdastjóri rekstrarsviðs

Kolbeinn er fæddur árið 1964 og er með B.Sc. gráðu í hagfræði frá Háskóla Íslands. Hann á að baki langan starfsferil hjá N1 og forvera félagsins, Olíufélaginu hf. Kolbeinn starfaði á fjármálasviði Olíufélagsins hf. 1987-1991 og var deildarstjóri hagdeildar 1991-2001. Árin 2001-2007 var Kolbeinn starfsmannastjóri og yfirmaður upplýsingatæknimála ásamt því að sitja í framkvæmdastjórn félagsins. Árið 2007 tók Kolbeinn svo við starfi framkvæmdastjóra starfsmannasviðs N1, en nafni sviðsins var breytt á árinu 2015 í rekstrarsvið.

Pétur Hafsteinsson

Framkvæmdastjóri fjármálasviðs

Pétur er fæddur árið 1979. Hann starfaði á endurskoðunarsviði KPMG 2004-2007. Árið 2007 hóf Pétur störf hjá N1 sem sérfræðingur í hagdeild en árið 2011 tók hann við sem yfirmaður deildarinnar. Í apríl 2015 tók Pétur svo við starfi framkvæmdastjóra fjármálasviðs. Hann er með Cand. oecon. gráðu frá endurskoðunarsviði viðskiptafræðideildar Háskóla Íslands og M.Acc. gráðu frá sama skóla í reikningshaldi og endurskoðun.